ഭരണങ്ങാനം പഞ്ചായത്തിലെ പ്രവിത്താനം മങ്കര കുളത്തിൽ വീണ് 14 കാരൻ മരിച്ചു.എഡ്വിൻ സുനിൽ എന്ന വിദ്യാർത്ഥിയാണ് മരണമടഞ്ഞത്. ഇന്ന് വൈകിട്ട് 6 .30 ഓടെ ആയിരുന്നു സംഭവം പാലാ ഫയർഫോഴ്സെത്തി കുട്ടിയെ കുളത്തിൽ നിന്നെടുത്ത് പ്രഥമ ശുശ്രൂഷ നൽകി പാലാ ജനറൽ ആശുപത്രിയിലേക്ക് കൊണ്ടു പോയെങ്കിലും ജീവൻ രക്ഷിക്കാനായില്ല.കടനാട് സ്കൂളിലെ പ്ലസ് ടു അദ്ധ്യാപകൻ സുനിലിൻ്റെ മകനാണ്. മരിച്ച എഡ്വിൻ
കാഞ്ഞിരപ്പള്ളി: കാഞ്ഞിരപ്പള്ളി ബസ് സ്റ്റാൻഡിൽ ബസ് കയറി ഗുരുതരമായി പരിക്കേറ്റ വയോധികൻ ചികിത്സയിലിരിക്കെ മരണപ്പെട്ടു. തുലാപ്പള്ളി പുളിയൻകുന്ന് വാലുമണ്ണിൽ ജോണി (80) ആണ് മരണപ്പെട്ടത്. കഴിഞ്ഞ ശനിയാഴ്ച രാവിലെ 10.45-ഓടെയായിരുന്നു അപകടം നടന്നത്. ബസ് സ്റ്റാൻഡിൽ വെച്ച് സ്വകാര്യ ബസ് മുന്നോട്ടെടുക്കുന്നതിനിടെ, ബസിന് മുന്നിലൂടെ മറുവശത്തേക്ക് കടക്കാൻ ശ്രമിച്ച ജോണി ബസിന് അടിയിലേക്ക് വീഴുകയായിരുന്നു. തുടർന്ന് ബസിന്റെ മുൻചക്രം ഇദ്ദേഹത്തിന്റെ ഇടതുകാലിന്റെ മുട്ടിന് താഴെയുള്ള ഭാഗത്തുകൂടി കയറിയിറങ്ങി. വലതുകാലിന്റെ മുട്ടിനും ഗുരുതരമായ പരിക്കുകൾ സംഭവിച്ചു. അപകടത്തിന് പിന്നാലെ നാട്ടുകാരും ബസ് ജീവനക്കാരും ചേർന്ന് ഉടൻ തന്നെ ജോണിയെ കാഞ്ഞിരപ്പള്ളി ജനറൽ ആശുപത്രിയിൽ എത്തിച്ചു. പ്രാഥമിക ചികിത്സയ്ക്ക് ശേഷം വിദഗ്ധ ചികിത്സയ്ക്കായി കോട്ടയം മെഡിക്കൽ കോളേജ് ആശുപത്രിയിലേക്ക് മാറ്റിയെങ്കിലും, ജീവൻ രക്ഷിക്കാനായില്ല.
ഈരാറ്റുപേട്ട.ഫൈൻ ആർട്ട്സ് ക്ലബ് ഈരാറ്റുപേട്ട (ഫെയ്സ് ) വായനാദിനത്തോടനുബന്ധിച്ച് നടത്തിയ അക്ഷരവഴി സാംസ്കാരിക ജാഥ ശ്രദ്ധേയമായി. വായനയുടേയും, പുസ്തകങ്ങളുടേയും പ്രാധാന്യം വിവരിക്കുന്ന കലാ ജാഥയിൽ നിരവധി തെരുവോര സദസ്സുകൾ സംഘടിപ്പിച്ചു. ഗാനങ്ങൾ ആലപിച്ചും,പൊതു ജന പങ്കാളിത്തത്തോടെ പുസ്തകങ്ങളുമായി ബന്ധപെട്ട് നടത്തിയ ലൈവ് ക്വിസ് പ്രോഗ്രാമും വേറിട്ട അനുഭവമായി മൽസരിത്തിൽ വിജയികളാവർക്ക് ഫെയ്സ് പബ്ളിക്കേഷൻസ് പുറത്തിറക്കിയ പുസ്തകങ്ങൾ സമ്മാനിച്ചു.രാവിലെ 9 മണിക്ക് ഈരാറ്റുപേട്ട തേവരുപാറയിൽ നിന്നാരംഭിച്ച ജാഥ മുനിസിപ്പൽ കൗൺസിലർ സജ്മി ഷിഹാസ് ഉൽഘാടനം ചെയ്തു. കെ. റാസിഖ് ജനറൽ കൺവീനറും, ബിജിലി സെയിൻസ് ജോ കൺവീനറുമായിരുന്നു.ഫെയ്സ് ട്രഷറർ പി. പി. എം നൗഷാദ് ജാഥയുടെ കോഡിനേറ്ററും, ക്വിസ് മാസ്റ്ററുമായിരുന്നു.ഫെയ്സ് പ്രസിഡന്റ് കെ.പി.എ നടക്കൽ, സെകട്ടറി ഹാഷിം ലബ്ബ, ഡയറക്ടർ സക്കീർ താപി,വൈസ് പ്രസിഡന്റുമാരായ റഫീഖ് പട്ടരു പറമ്പിൽ, കെ.എം, ജാഫർ, പുഷ്പമ്മ സജീവ്, അസിസ്റ്റൻ്റ് സെക്രട്ടറി റസീന ജാഫർ, ജോ.സെക്രട്ടറി നജീബ് വെളിയത്ത് മൃദുല നിഷാന്ത്, നുസൈഫ മജീദ്, ഷീബ അബ്ദുള്ള, താഹിറ ത്വാഹാ, സുമയ്യ അലി, ഹാഷിം ഡയറ,ജലീൽ കണ്ടത്തിൽ, ത്വാഹാ, മനാഫ് നെടുങ്കിന്തി,സിനോബി തങ്കപ്പൻ,സജ്ജാദ് റഫീഖ് എന്നിവർ നേതൃത്വം നൽകി.
കാരക്കാട് : വായനയുടെ മഹത്വം പുതുതലമുറയ്ക്ക് പകർന്നു നൽകുക എന്ന ലക്ഷ്യത്തോടെ കെ.എസ്.എം.ബി.എച്ച്.എസ്. കാരക്കാട് സ്കൂളിൽ വായനാദിനത്തോടനുബന്ധിച്ച് വിവിധ പരിപാടികൾ സംഘടിപ്പിച്ചു. പരിപാടിയുടെ ഉദ്ഘാടനം സ്കൂൾ ഹെഡ്മാസ്റ്റർ അനസ് മുഹമ്മദ് നിർവഹിച്ചു. പി.എൻ. പണിക്കരുടെ സ്മരണ പുതുക്കിക്കൊണ്ട് വിദ്യാർത്ഥികൾക്ക് വായനയുടെ പ്രാധാന്യത്തെക്കുറിച്ച് ബോധവത്കരണ ക്ലാസ് നടത്തി. തുടർന്ന് വായനാദിന പ്രതിജ്ഞ, പുസ്തകപരിചയം, വായനാമത്സരം,ഇൻലന്റ് ലെറ്റർ തയാറാക്കൽ എന്നിവയും സംഘടിപ്പിച്ചു.വിദ്യാർത്ഥികൾ ആവേശപൂർവം പരിപാടികളിൽ പങ്കെടുത്തു. വായനാശീലം വളർത്തുന്നതിനും പുസ്തകങ്ങളോട് കൂടുതൽ അടുപ്പം സൃഷ്ടിക്കുന്നതിനും ഇത്തരം പരിപാടികൾ സഹായകരമാണെന്ന് അധ്യാപകർ അഭിപ്രായപ്പെട്ടു. ഇതേ തുടർന്ന് പി ടി എ മീറ്റിങ്ങും സംഘടിപ്പിച്ചു. അറിവിന്റെ മഹാത്മ്യത്തെക്കുറിച്ച് മോട്ടിവേഷൻ സ്പീക്കർ കൂടിയായ അനസ് സർ പേരൻസിന് വേണ്ടിയുള്ള ക്ലാസ് നയിച്ചു.
ഈരാറ്റുപേട്ട: തൂഫാൻ നാർക്കോട്ടിക് മിഷൻ ഹണ്ടിന്റെ ഭാഗമായി ഈരാറ്റുപേട്ട ഗവൺമെൻറ് ഹയർസെക്കൻഡറി സ്കൂളിൽ നാഷണൽ സർവീസ് സ്കീംസ് സ്കൗട്ട്സ് ആന്റ് ഗൈഡ്സ് സൗഹൃദ ക്ലബ്ബ് എന്നിവിടെ നേതൃത്വത്തിൽ വൺ മില്യൺ ഗോൾ ലക്ഷത്തിലേക്കുള്ള ഗോൾ 2026 നടന്നു. സീനിയർ അസിസ്റ്റൻറ് ഷീജ എം.എസ് ഉദ്ഘാടനം നിർവഹിച്ചു. സ്റ്റാഫ് സെക്രട്ടറി അനീഷ് വി. പെനാൽറ്റി ഷൂട്ടൗട്ട് നടത്തി. തുടർന്ന് വിദ്യാർത്ഥികളും ഫുട്ബോൾ ടീമുകളുടെ ജെഴ്സ്സി അണിഞ്ഞ് ഗോൾ അടിച്ചു. നാഷണൽ സർവീസ് സ്കീം പ്രോഗ്രാം കോർഡിനേറ്റർ സിന്ധു പി.ജി, സ്കൗട്ട് ആൻഡ് ഗൈഡ് കോ- ഓർഡിനേറ്റർ കൃഷ്ണമണി എൻ, രതീഷ് വി.ആർ, ഹരിതസഭ കോ- ഓർഡിനേറ്റർ സ്മിതാ ദാസ്, സൗഹൃദ ക്ലബ് കോർഡിനേറ്റർ സൂര്യ എസ്, കരിയർ ക്ലബ് കോർഡിനേറ്റർ മനോജ് റ്റി. ബെഞ്ചമിൻ എന്നിവർ നേതൃത്വം നൽകി.
എരുമേലി സ്വദേശിയായ കനകപ്പലം കുന്നത്ത് വീട്ടിൽ സുമേഷ് ലാലിനെ 15/06/26 മുതൽ കാണാതായിരുന്നു.കോട്ടയം കഞ്ഞിക്കുഴിയിലുള്ള ഡോക്ടറെ കാണുന്നതിനായി 2026 ജൂൺ 15 ന് രാവിലെ 8.30 മണിയോടെ എരുമേലിയിൽ നിന്നും പുറപ്പെട്ട ശേഷം കാഞ്ഞിരപ്പള്ളിയിലുള്ള സുഹൃത്തിനെ കണ്ട് 11 മണിയോടെ കോട്ടയത്തേക്ക് എത്തിയതായിട്ടാണ് അവസാനം വിവരം ലഭിച്ചിരുന്നത്.ഉച്ചക്ക് ഒരു മണിയോടെ ഫോൺ സ്വിച്ച് ഓഫാകുമ്പോൾ കോട്ടയം ആയിരുന്നു ലൊക്കേഷൻ. തുടർന്നുള്ള എരുമേലി പോലീസിന്റെ അന്വേഷണത്തിലാണ് മധുരയിലെ ലോഡ്ജിൽ മരിച്ച നിലയിൽ കണ്ടെത്തിയത്.
യുഡിഎഫ് സർക്കാരിൻറെ ആദ്യ ബജറ്റ് അവതരിപ്പിച്ച് മുഖ്യമന്ത്രി വിഡി സതീശൻ. എല്ലാ മേഖലകളെയും ഉൾപ്പെടുത്തിയാണ് ബജറ്റ് അവതരിപ്പിച്ചത്. ലൈറ്റ് മെട്രോ പദ്ധതി ഉൾപ്പെടെ വൻ പ്രഖ്യാപനങ്ങളും നടത്തിയാണ് ബജറ്റ് അവതരണം. കർഷകർ ഏറെ നാളായി കാത്തിരുന്ന റബർ താങ്ങുവില വർദ്ധനവ് പ്രഖ്യാപിച്ച് സംസ്ഥാന ബജറ്റ്. റബറിന്റെ തറവില കിലോഗ്രാമിന് 200 രൂപയിൽ നിന്നും 250 രൂപയായാണ് ഉയർത്തിയത്. കർഷകരെ സഹായിക്കുന്ന ഈ പ്രഖ്യാപനത്തിനൊപ്പം കൃഷി, ടൂറിസം, ക്ഷീരവികസനം, മത്സ്യബന്ധനം എന്നീ മേഖലകൾക്ക് ഊന്നൽ നൽകുന്ന നിരവധി പദ്ധതികളും ബജറ്റിൽ അവതരിപ്പിച്ചു. യുവതലമുറയെ കൃഷിയിലേക്ക് ആകർഷിക്കുന്നതിനും ഉത്പാദനം വർദ്ധിപ്പിക്കുന്നതിനുമായി ബജറ്റിൽ തുക വകയിരുത്തിയിട്ടുണ്ട്. യുവാക്കളെ കാർഷിക മേഖലയിലേക്ക് ആകർഷിക്കുന്നതിനായി പ്രത്യേക പദ്ധതി നടപ്പാക്കും. ഇതിനൊപ്പം വിനോദസഞ്ചാരത്തിന് പുതിയ സാധ്യതകൾ തുറക്കുന്ന ഫാം ടൂറിസം രീതികളെ പ്രോത്സാഹിപ്പിക്കും. സ്വപ്നപദ്ധതിയായ മിഷൻ സമുദ്ര പദ്ധതി ബജറ്റിൽ പ്രഖ്യാപിച്ചു. കേരളത്തെ ലോകമാരിടൈം ഭൂപടത്തിൽ വൻ ശക്തിയായി ഉയർത്തുകയാണ് മിഷൻ സമുദ്രയുടെ ലക്ഷ്യം. തുറമുഖ മേഖലയ്ക്ക് വൻ പ്രഖ്യാപനങ്ങളാണ് ബജറ്റിലുള്ളത്. ക്ഷീരവികസനത്തിന് 102 കോടി: സംസ്ഥാനത്തെ ക്ഷീരവികസന മേഖലയ്ക്കായി 102 കോടി രൂപ ബജറ്റിൽ നീക്കിവെച്ചു. അടുത്ത 3 വർഷത്തിനുള്ളിൽ പ്രതിദിന പാൽ ഉത്പാദനം 1 കോടി ലിറ്ററാക്കി ഉയർത്തുകയാണ് ഇതിലൂടെ ലക്ഷ്യമിടുന്നത്. തീരദേശ മേഖലയിലെ ജനങ്ങളുടെ ഉന്നമനത്തിനായി പ്രധാന പ്രഖ്യാപനങ്ങൾ ബജറ്റിലുണ്ട്. മത്സ്യത്തൊഴിലാളികൾക്കുള്ള മണ്ണെണ്ണ സബ്സിഡി തുക 75 രൂപയാക്കി ഉയർത്തി. വനരഹിതരായ മത്സ്യത്തൊഴിലാളികൾക്കായി പ്രത്യേക പാർപ്പിട പദ്ധതി ബജറ്റിൽ വിഭാവനം ചെയ്യുന്നു. ടൂറിസം മേഖലയുടെ സമഗ്രമായ വളർച്ചയ്ക്കായി 325 കോടി രൂപയാണ് ബജറ്റിൽ അനുവദിച്ചിരിക്കുന്നത്.
ഈരാറ്റുപേട്ട ; സ്ഥാപക ദിനത്തിൽ സേവന പ്രവർത്തനങ്ങളുമായിഎസ് ഡി പി ഐ വളണ്ടിയർ ടീം. ഈരാറ്റുപേട്ട സ്ഥാപക ദിനത്തോട് അനുബന്ധിച്ച് ഈരാറ്റുപേട്ടയിലെ എസ്.ഡി.പി.ഐ. വാളണ്ടിയർ ടീം തോട്ട് മുക്ക് പാലത്തിന് ഭീഷണിയായി അടിയിൽ അടിഞ്ഞ് കൂടിയ മരങ്ങളും മാലിന്യങ്ങളും, നീക്കം ചെയ്ത് മീനച്ചിലാർ ശുചീകരിച്ചു. മാതാക്കൽ തോട്ടിലെ കുളിക്കടവിന് ഭിഷണിയായി നിന്നിരുന്ന പാഴ്മരങ്ങൾവെട്ടിമാറ്റി പരിസര ശുചികരണ പ്രവർത്തനങ്ങളും നടത്തി.വളണ്ടിയർ കോർഡിനേറ്റർ അബ്ദുൽ ലത്തീഫ്, ഷെഫിഖ് പാറേക്കാട്ടിൽ, മുജീബ് അടുക്കം എന്നിവരുടെ നേതൃതത്തിൽ 35 ൽ പരം പ്രവർത്തകർ സന്നദ്ധ പ്രവർത്തനങ്ങളിൽ പങ്കാളികളായി.
