E News

Latest News

കോട്ടയം

ഇലവീഴാപൂഞ്ചിറ ടൂറിസം വികസനവുമായി ബന്ധപ്പെട്ട് ഉദ്യോഗസ്ഥരും ജനപ്രതിനിധികളും സന്ദർശനം നടത്തി.

enews 20 July,2026

മേലുകാവ് ഗ്രാമപഞ്ചായത്തിലെ ടൂറിസ്റ്റ് കേന്ദ്രമായ ഇലവീഴാപൂഞ്ചിറ ടൂറിസം വികസനവുമായി ബന്ധപ്പെട്ട് പാലാ MLA മാണി സി കാപ്പന്റെ നേതൃത്വത്തിൽ ജില്ലാ കളക്ടർ ചേതൻകുമാർ മീണ, ഈരാറ്റുപേട്ട ബ്ലോക്ക് പഞ്ചായത്ത്‌ പ്രസിഡന്റ്‌ ശ്രീ ജോയി സ്കറിയ, ജില്ലാ പഞ്ചായത്ത്‌ വൈസ് പ്രസിഡന്റ്‌, ശ്രീമതി ബിന്ദു സെബാസ്റ്റ്യൻ, മേലുകാവ് ഗ്രാമപഞ്ചായത്ത് പ്രസിഡന്റ്‌ ശ്രീമതി. ബിൻസി റ്റോമി, വൈസ് പ്രസിഡന്റ്‌, ശ്രീ ക്രിസ്റ്റിൻ ജോൺസൺ, വികസനകാര്യ സ്റ്റാൻഡിങ് കമ്മിറ്റി ചെയർമാൻ, ശ്രീ. സുനിൽ ഐസക്ക്, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർപേഴ്സൺ പ്രസന്ന സോമൻ, പഞ്ചായത്ത്‌ മെംബേർസ്, RDO ഓഫീസേർസ്,, റവന്യൂ ഉദ്യോഗസ്ഥർ, എന്നിവർ സന്ദർശിച്ചപ്പോൾ

പ്രാദേശികം

അലിഫ് അറബിക് ടാലന്റ് ടെസ്റ്റ് സംഘടിപ്പിച്ചു

enews 20 July,2026

ഈരാറ്റുപേട്ട: പൊതുവിദ്യാലയങ്ങളിൽ വിദ്യാഭ്യാസ വകുപ്പിന്റെ അനുമതിയോടെ സംസ്ഥാനതലത്തിൽ നടത്തിയ അലിഫ് അറബിക് ടാലന്റ് ടെസ്റ്റിന്റെ ഈരാറ്റുപേട്ട ഉപജില്ലാതല മത്സരം ഹയാത്തുദ്ദീൻ എച്ച്. എസിൽ വെച്ച് നടന്നു. അലിഫ് അറബിക് ടാലന്റ് ടെസ്റ്റും ഭാഷ അനുസ്മരണവും മുനിസിപ്പൽ കൗൺസിലർ അബ്സാർ മുരിക്കോലിയിൽ ഉദ്ഘാടനം ചെയ്തു. സ്കൂൾ മാനേജർ ബഷീർ തൈത്തോട്ടം സമ്മാന വിതരണം നടത്തി. കെ. എ. റ്റി. എഫ് കോട്ടയം ജില്ല ജനറൽ സെക്രട്ടറി മുഹമ്മദ് യാസീൻ ഭാഷ അനുസ്മരണ പ്രഭാഷണം നടത്തി. ബിഷറുൽ ഹാഫി ആശംസകൾ അർപ്പിച്ചു. എൽ പി വിഭാഗത്തിൽ ഫഹീം ഫാരിസ് ( ഗവ. മുസ്‌ലിം എൽ.പി.എസ് ഈരാറ്റുപേട്ട), ഇഷാൻ അഹമ്മദ് ( ഗവ.മുസ്‌ലിം എൽ.പി.എസ് ഈരാറ്റുപേട്ട),നഹാ മറിയം ( എസ്.ജി.എം യു.പി.എസ് ഒളയനാട്) എന്നിവരും യുപി വിഭാഗത്തിൽ ഫഹാന മറിയം ( എം. എം. എം.യു.എം യു പി എസ് കാരക്കാട് ) അൽ അസഹർ സി എസ് ( ഹയാത്തുദ്ദീൻ എച്ച്.എസ് ഈരാറ്റുപേട്ട ) അംന ഫാത്തിമ ( എം.ജി.എച്ച്.എസ്.എസ് ഈരാറ്റുപേട്ട) ഹൈസ്കൂൾ വിഭാഗത്തിൽ നസ്റിൻ ഫാത്തിമ (എം.ജി.എച്ച്.എസ്.എസ് ഈരാറ്റുപേട്ട) മുഹമ്മദ് വസീം ( ഹയാത്തുദ്ദീൻ എച്ച്. എസ് ഈരാറ്റുപേട്ട) മിസ്ബാഹുൽ ഫായിസ് ( ഹയാത്തുദ്ദീൻ എച്ച്. എസ് ഈരാറ്റുപേട്ട) എച്ച്.എസ്.എസ് വിഭാഗത്തിൽ ഫാത്തിമ നവാസ്, സന ഇർഷാദ്, അൽഫിയ ബിൻസാദ് (എം.ജി.എച്ച്.എസ്.എസ് ഈരാറ്റുപേട്ട) എന്നിവർ യഥാക്രമം ഒന്ന് രണ്ട് മൂന്ന് സ്ഥാനങ്ങൾ കരസ്ഥമാക്കി. അലിഫ് കൺവീനർ ആസിം കെ എച്ച് അധ്യക്ഷത വഹിച്ച യോഗത്തിന് മുഹ് താർ സ്വാഗതവും മുഹമ്മദ് അഫ്സൽ നന്ദിയും പറഞ്ഞു.

പ്രാദേശികം

പൂഞ്ഞാർ എഞ്ചിനീയറിംഗ് കോളേജിൽ 'എക്സലൻസ് ഡേ സമുചിതമായി ആഘോഷിച്ചു

enews 20 July,2026

പൂഞ്ഞാർ: ഗവൺമെന്റ് എഞ്ചിനീയറിംഗ് കോളേജിൽ (IHRD) ഈ വർഷത്തെ 'എക്സലൻസ് ഡേ 2K26' ആഘോഷങ്ങൾ സമുചിതമായി നടന്നു. പൂഞ്ഞാർ നിയോജകമണ്ഡലം എം.എൽ.എ അഡ്വ. സെബാസ്റ്റ്യൻ എം. ജെ ഭദ്രദീപം കൊളുത്തി ചടങ്ങുകൾ ഔദ്യോഗികമായി ഉദ്ഘാടനം ചെയ്തു. വിദ്യാർത്ഥികളുടെ കഠിനാധ്വാനവും അക്കാദമിക മികവുമാണ് നാടിന്റെ പുരോഗതിക്ക് ആധാരമെന്ന് അദ്ദേഹം ഉദ്ഘാടന പ്രസംഗത്തിൽ ഓർമ്മിപ്പിച്ചു.ഐ.എച്ച്.ആർ.ഡി ഡയറക്ടർ പ്രൊഫ.(ഡോ.) എം. വി രാജേഷ് ചടങ്ങിൽ അധ്യക്ഷത വഹിച്ചു. പൂഞ്ഞാർ എഞ്ചിനീയറിംഗ് കോളേജ് പ്രിൻസിപ്പൽ പ്രൊഫ.(ഡോ.) ജോൺ ജോർജ് സ്വാഗതപ്രസംഗം നടത്തി. സുരത്കൽ എൻ.ഐ.ടി.കെ അസോസിയേറ്റ് പ്രൊഫസർ ഡോ. ബിജു ആർ മോഹൻ മുഖ്യപ്രഭാഷണം നടത്തി, ആധുനിക സാങ്കേതികവിദ്യയുടെ സാധ്യതകളെക്കുറിച്ചും വിദ്യാർത്ഥികൾ കൈവരിക്കേണ്ട തൊഴിൽ നൈപുണ്യങ്ങളെക്കുറിച്ചും അദ്ദേഹം സംസാരിച്ചു. തുടർന്ന് നടന്ന ചടങ്ങിൽ, കോഴ്സ് പൂർത്തിയാക്കിയ വിദ്യാർത്ഥികൾക്കായുള്ള പ്രതിജ്ഞാ ചടങ്ങ് (Oath-Taking Ceremony) ഇലക്ട്രോണിക്സ് ആൻഡ് കമ്മ്യൂണിക്കേഷൻ ഡിപ്പാർട്ട്മെന്റ് മേധാവി ശ്രീമതി ഫ്ലവർ എബ്രഹാം മുണ്ടയ്ക്കൽ നിർവ്വഹിച്ചു. പഠനത്തിലും മറ്റ് അനുബന്ധ മേഖലകളിലും മികച്ച വിജയം കൈവരിച്ച വിദ്യാർത്ഥികൾക്കുള്ള സർട്ടിഫിക്കറ്റുകളും അവാർഡുകളും ചടങ്ങിൽ വിതരണം ചെയ്തു.തുടർന്ന് കോളേജ് പിടിഎ വാങ്ങി നല്കിയ പുതിയ കോളേജ് ബസ്സിന്റെ ഉദ്ഘാടനവും ബഹു. ഐ എച്ച് ആർ ഡി ഡയറക്ടർ പ്രൊഫസർ ഡോക്ടർ എം വി രാജേഷ് നിർവഹിച്ചു.പൂഞ്ഞാർ ഗ്രാമപഞ്ചായത്ത് പ്രസിഡന്റ് ശ്രീമതി മിനർവ മോഹൻ, വൈസ് പ്രസിഡന്റ് ശ്രീ. അനിൽകുമാർ മഞ്ഞപ്ലാക്കൽ, ബ്ലോക്ക് പഞ്ചായത്ത് അംഗം ശ്രീ. ക്ലിന്റ് അരീപ്ലാക്കൽ, പി.ടി.എ പ്രസിഡന്റ് ശ്രീ. രാജു വെട്ടത്താനം എന്നിവർ ആശംസകൾ അർപ്പിച്ചു സംസാരിച്ചു. വിദ്യാർത്ഥികളുടെയും രക്ഷാകർത്താക്കളുടെയും പ്രതിനിധികൾ ചടങ്ങിൽ മറുപടി പ്രസംഗം നടത്തി. കോളേജ് ഡീൻ ശ്രീ. ഷൈൻ പി. ജെയിംസ് ചടങ്ങിന് നന്ദി രേഖപ്പെടുത്തി. ദേശീയഗാനാലാപനത്തോടെയും ഫോട്ടോ സെഷനോടെയും പ്രോഗ്രാം വിജയകരമായി സമാപിച്ചു.

ലോകം

ഫിഫ ലോകകപ്പ് കിരീടം ചൂടി സ്പെയിൻ

enews 20 July,2026

ഫിഫ ലോകകപ്പ് ഫൈനലിൽ സ്പെയിൻ അർജന്റീനയെ തോൽപ്പിച്ചു. എതിരില്ലാത്ത ഒരു ഗോളിനാണ് സ്പാനിഷ് പടയുടെ വിജയം. ഫെറാൻ ടോറസ് ആണ് ഗോൾ നേടിയത്. നിശ്ചിത സമയത്ത് ഇരടീമുകൾക്കും ഗോൾ നേടാനായില്ല. അധിക സമയത്തേക്ക് നീണ്ട മത്സരത്തിൽ 106-ാം മിനിറ്റിലാണ് സ്പെയിൻ ഗോൾ നേടിയത്. രണ്ടാം പകുതിയിലെ ഇഞ്ചുറി ടൈമിൽ എൻസോ ഫെർണാണ്ടസ് റെഡ് കാർഡ് കണ്ട് മടങ്ങിയതോടെ പത്ത് പേരായി ചുരുങ്ങിയാണ് അർജന്റീന കളിച്ചത്. മത്സരത്തിലുടനീളം സ്പെയിന്റെ പ്രതിരോധ പ്രകടനത്തിന് മുന്നിൽ അർജന്‍റീന പതറി.

കേരളം

ലോകകപ്പ് ഫൈനൽ ഇരുട്ടത്താകില്ല, നിയന്ത്രണം ഒഴിവാക്കാൻ നീക്കം; കൂടിയ വിലയ്ക്ക് വൈദ്യുതി വാങ്ങാൻ കെഎസ്ഇബി

enews 18 July,2026

തിരുവനന്തപുരം രാജ്യത്തു പീക്ക് സമയത്തെ വൈദ്യുതി ഉപയോഗം 300 ഗിഗാവാട്ടിലേക്ക് കുതിക്കുമ്പോൾ കേരളം ഇരുട്ടിലേക്ക്. വലിയ വില കൊടുത്താലും വൈദ്യുതി ലഭിക്കാത്തതിനാൽ തുടർച്ചയായ നാലാം ദിവസവും സംസ്ഥാനത്ത് 5 മണിക്കൂർ നീണ്ട വൈദ്യുതി നിയന്ത്രണം ഏർ‍പ്പെടുത്തി. ഭൂരിഭാഗം പ്രദേശങ്ങളിലും രാത്രി 2 ഘട്ടങ്ങളിലായി ഒരു മണിക്കൂർ വൈദ്യുതി മുടക്കം പതിവായി. ഓണക്കാലം കൂടി കണക്കിലെടുത്ത് അടുത്ത മാസവും തുടർന്നുള്ള മാസങ്ങളിലും വൈദ്യുതി ലഭ്യത ഉറപ്പാക്കാനുള്ള കരാറുകൾക്കു കെഎസ്ഇബി ശ്രമം തുടരുന്നു. ലഭ്യമായ വൈദ്യുതിയും വൈദ്യുതി ആവശ്യകതയും വിലയിരുത്തി തത്സമയ വിപണിയിൽനിന്നു വൈദ്യുതി വാങ്ങുന്നതിനാൽ ഒരു മണിക്കൂറിൽ താഴെ സമയത്തിനുള്ളിലാണ് അടുത്ത മണിക്കൂറിലെ വൈദ്യുതി ലഭ്യത ഉറപ്പാക്കാൻ കഴിയുന്നത്. വൈദ്യുതി കിട്ടിയില്ലെങ്കിൽ, ലോഡ് കൂടിയ സബ് സ്റ്റേഷനുകളോട് നിശ്ചിത സമയം ഫീഡർ ഓഫ് ചെയ്യാൻ നിർദേശിക്കും. അതിനാൽ മുൻകൂട്ടി ഉപയോക്താക്കളെ വൈദ്യുതി മുടങ്ങുന്ന സമയം കൃത്യമായി അറിയിക്കാൻ കഴിയില്ലെന്ന പരിമിതിയുണ്ട്. നിയന്ത്രിച്ചാൽ രക്ഷപ്പെടാംഎല്ലാ വീട്ടിലും ഉറങ്ങാൻ കിടക്കുമ്പോൾ മാത്രം എസി ഓൺ ചെയ്യാൻ തീരുമാനിച്ചാൽ തന്നെ രാത്രി 10 മണിക്കു മുൻപുള്ള പവർകട്ട് ഒഴിവാക്കാനാകുമെന്ന് കെഎസ്ഇബി. എസി 25 ഡിഗ്രിക്കു മുകളിലാകണം. ആവശ്യമില്ലാതെ ഫാനും ലൈറ്റും ഓൺചെയ്യരുത്. ഇപ്പോൾ ഉപയോഗിക്കുന്നതിൽ 800 മെഗാവാട്ട് വൈദ്യുതിയെങ്കിലും കുറയ്ക്കാനായാൽ പവർകട്ട് ഒഴിവാക്കാമെന്നാണ് കെഎസ്ഇബിയുടെ പ്രതീക്ഷ. ലോകകപ്പ് ഫൈനൽ നടക്കുന്നതിനാൽ 19, 20 തീയതികളിൽ വൈദ്യുതി മുടക്കം ഒഴിവാക്കാൻ കൂടിയ വിലയ്ക്ക് 24 മണിക്കൂറും ലഭ്യമാകുന്ന വൈദ്യുതി വാങ്ങാൻ തീരുമാനിച്ചുവെന്ന് കെഎസ്ഇബി സിഎംഡി രാജമാണിക്യം പറഞ്ഞു. രാത്രിയിലേക്കു മാത്രമായി ഒരു കമ്പനിയും വൈദ്യുതി നൽകാത്ത സാഹചര്യത്തിലാണ് 24 മണിക്കൂറിലേക്കു വാങ്ങാൻ നിർദേശം നൽകിയത്. കാസർകോട് ചീമേനിയിൽ ആണവനിലയം അപകടരഹിതമായി നടത്താൻ സാധിക്കുമെന്നും എല്ലാ കക്ഷി നേതാക്കളുമായും പൊതുജനങ്ങളുമായും ഇക്കാര്യം സംസാരിക്കാൻ തയാറാണെന്നും മന്ത്രി സണ്ണി ജോസഫ് പറഞ്ഞു. സാങ്കേതിക പഠനവും എല്ലാവരും യോജിച്ചുള്ള പ്രവർത്തനവും ആവശ്യമാണെന്നും അദ്ദേഹം പറഞ്ഞു.

കോട്ടയം

ജീവിതശൈലി രോഗ നിർണയ ക്യാമ്പ് നടന്നു

Enews 16 July,2026

ഈരാറ്റുപേട്ട: ഗവ. ഹയർ സെക്കൻഡറി സ്കൂൾ ഈരാറ്റുപേട്ടയിലെ എൻ.എസ്.എസ് യൂണിറ്റ് , സൗഹൃദ ക്ലബ് എന്നിവയുടെ ആഭിമുഖ്യത്തിൽ കുടുംബാരോഗ്യ കേന്ദ്രം (FHC) ഈരാറ്റുപേട്ടയുടെ സഹകരണത്തോടെ ജീവിതശൈലി രോഗ നിർണയ ക്യാമ്പ് ഇന്ന് (ജൂലൈ 16) ഉച്ചയ്ക്ക് 2 മണിക്ക് സ്കൂളിൽ നടന്നു.ക്യാമ്പിൽ രക്തസമ്മർദ്ദ പരിശോധന, രക്തത്തിലെ പഞ്ചസാര പരിശോധന, BMI പരിശോധന, ആരോഗ്യ കൗൺസിലിംഗ്, ജീവിതശൈലി മാർഗനിർദേശങ്ങൾ എന്നിവ സൗജന്യമായി ലഭ്യമാക്കി. പരിപാടിയിൽ പി.ടി.എ പ്രസിഡന്റ് മുജീബ് മഠത്തിപ്പറമ്പിൽ, പ്രിൻസിപ്പാൾ ഷീജ എസ് , എഫ്.എച്ച്.സി ഈരാറ്റുപേട്ട ജൂനിയർ ഹെൽത്ത് ഇൻസ്പെക്ടർ ഗിരിസൺ സി.ജി. എന്നിവർ പങ്കെടുത്തു. വിദ്യാർത്ഥികളിലും പൊതുജനങ്ങളിലും ജീവിതശൈലി രോഗങ്ങളെക്കുറിച്ചുള്ള അവബോധം വർധിപ്പിക്കുകയും രോഗങ്ങൾ നേരത്തേ കണ്ടെത്തി പ്രതിരോധം ശക്തിപ്പെടുത്തുകയും ചെയ്യുക എന്നതാണ് പരിപാടിയുടെ ലക്ഷ്യമെന്ന് സംഘാടകർ അറിയിച്ചു.

പ്രാദേശികം

100 ദിന പരിപാടിയിൽ സഹകരണ പെൻഷൻ പരിഷ്കരണം ഉൾപ്പെടുത്തണം

Enews 16 July,2026

ഈരാറ്റുപേട്ട .യു.ഡി.എഫ്. സർക്കാർ പ്രഖ്യാപിച്ച 100 ദിന പരിപാടിയിൽ കഴിഞ്ഞ 10 വർഷമായി തികഞ്ഞ അവഗണന നേരിട്ടുകൊണ്ടിരിക്കുന്ന 'പ്രാഥമിക സഹകരണ സംഘങ്ങളിൽനിന്നും വിരമിച്ചവരുടെ പെൻഷൻ പരിഷ്‌കരണം 'കൂടി ഉൾപ്പെടുത്തണമെന്ന് പ്രമുഖ സഹകാരിയും പൂഞ്ഞാർ എം.എൽ.എ.യുമായ അഡ്വ. എം.ജെ. സെബാസ്റ്റ്യൻ, കാഞ്ഞിരപ്പള്ളി എം.എൽ.എ. അഡ്വ. റോണി കെ. ബേബി എന്നിവരുടെ നേതൃത്വത്തിൽ മുഖ്യമന്ത്രി വി.ഡി. സതീശനെ കണ്ട് ആവശ്യപ്പെടുകയും ചർച്ച നടത്തുകയും ചെയ്തു‌. അടിയന്തിരമായി നടപ്പിൽ വരുത്തേണ്ടതും സർക്കാരിന് സാമ്പത്തിക ബാധ്യത വരാത്തതുമായ കാര്യങ്ങൾ പ്രൈമറി കോ-ഓപ്പറേറ്റീവ് സർവ്വീസ് പെൻഷനേഴ്‌സ് അസോസിയേഷൻ ജനറൽ സെക്രട്ടറി എൻ. സ്വാമിനാഥൻ, വൈസ് പ്രസിഡൻ്റ് ചാൾസ് ആൻ്റണി, ആനാട് ഗോപകുമാർ എന്നിവർ ചേർന്ന് നിവേദനം മുഖ്യമന്ത്രിക്ക് സമർപ്പിച്ചു.

വിദ്യാഭ്യാസം

പ്ലസ് വണ്‍ പരീക്ഷാ ഫലം നാളെ പ്രഖ്യാപിക്കും

enews 16 July,2026

തിരുവനന്തപുരം ഹയര്‍ സെക്കന്‍ഡറി വിദ്യാഭ്യാസ ഡയറക്ടറേറ്റ് പ്ലസ് വണ്‍ പരീക്ഷാ ഫലം വെള്ളിയാഴ്ച പ്രഖ്യാപിക്കും.ഫലപ്രഖ്യാപനം ജൂണ്‍ അവസാനവാരത്തില്‍ നിന്ന് 2026 ജൂലൈ 15ലേക്ക് മാറ്റിയിരുന്നെങ്കിലും ഫലപ്രഖ്യാപനം നീണ്ടു. dhsekerala.gov.in, results.hse.Kerala.gov.in, keralaresults.nic.in, results.kite.kerala.gov.in, results.kerala.gov.in തുടങ്ങിയ ഔദ്യോഗിക വെബ്സൈറ്റുകളില്‍ ഫലം ലഭ്യമാകും. ഇതുകൂടാതെ ഡിജിലോക്കര്‍, പിആര്‍ഡി ലൈവ്, സഫലം കൈറ്റ് മൊബൈല്‍ ആപ്പ് എന്നിവ വഴിയും ഫലം പരിശോധിക്കാവുന്നതാണ്.

Latest News

Follow Us

Popular News