E News

Latest News

മുസ്ലിം ഗേൾസ് ഹയർ സെക്കൻഡറി സ്കൂളിലെ സാഫ് നേച്ചർ ക്ലബ്ബിൻറെ ആഭിമുഖ്യത്തിൽ പരിസ്ഥിതിപ്പച്ച എന്ന പേരിൽ പരിസ്ഥിതി ദിനം വിപുലമായി ആചരിച്ചു

enews 5 June,2025

ഈരാറ്റുപേട്ട : മുസ്ലിം ഗേൾസ് ഹയർ സെക്കൻഡറി സ്കൂളിലെ സാഫ് നേച്ചർ ക്ലബ്ബിൻറെ ആഭിമുഖ്യത്തിൽ പരിസ്ഥിതിപ്പച്ച എന്ന പേരിൽ പരിസ്ഥിതി ദിനം വിപുലമായി ആചരിച്ചു. രാവിലെ സ്കൂൾ അസംബ്ലിയിൽ ഹെഡ്മിസ്ട്രസ് എം പി ലീന പരിസ്ഥിതി ദിന പ്രതിജ്ഞ കുട്ടികൾക്കും അധ്യാപകർക്കുമായി ചൊല്ലിക്കൊടുത്തു. സ്കൂളിലെ പച്ചക്കറി കൃഷിയുടെ ഭാഗമായി പോളി ഹൗസിനുള്ളിൽ പച്ചക്കറി തൈകൾ നട്ടുപിടിപ്പിച്ചു. സ്കൂൾ ക്യാമ്പസിൽ വൃക്ഷത്തൈകൾ നട്ടു. സ്കൂൾ ക്യാമ്പസും ക്ലാസ് റൂമുകളും ശുചീകരിച്ചു .ശുചിത്വം മഹത്വം എന്ന പേര് നൽകിയ പരിപാടിയിൽ സ്കൂളിലെ മുഴുവൻ ക്‌ളാസ് ഡിവിഷനുകൾക്കുമുള്ള ശുചീകരണ സാമഗ്രികളുടെ വിതരണോദ്ഘാടനം ഹെഡ്മിസ്ട്രസ് നിർവഹിച്ചു . സാഫ് കൺവീനർ മുഹമ്മദ് ലൈസൽ ,പി ജി ജയൻ, പി എസ് റമീസ് എന്നീ അധ്യാപകർ പരിപാടികൾക്ക് നേതൃത്വം നൽകി

ഇൻഡ്യ

കൊവിഡ് കേസുകൾ അയ്യായിരം കടന്നു; 24 മണിക്കൂറിനിടെ 4 കൊവിഡ് മരണം; രണ്ട് പേർ മരിച്ചത് കേരളത്തിൽ

enews 5 June,2025

ദില്ലി: രാജ്യത്ത് കൊവിഡ് രോഗികൾ അയ്യായിരം കടന്നു. ആകെ ആക്ടീവ് കേസുകൾ 5364 ആയി ഉയർന്നു. 498 പേർക്കാണ് രാജ്യത്ത് 24 മണിക്കൂറിനിടെ രോഗം സ്ഥിരീകരിച്ചത്. നാല് കൊവിഡ് മരണവും സ്ഥിരീകരിച്ചു. കേരളത്തിൽ മാത്രം 2 മരണമാണ് സ്ഥിരീകരിച്ചു. 74 വയസുകാരിയും 79 വയസുകാരനുമാണ് കേരളത്തിൽ കൊവിഡ് ബാധിച്ച് മരിച്ചത്. 24 മണിക്കൂറിനിടെ കേരളത്തിൽ 192 പേർക്ക് കൊവിഡ് സ്ഥിരീകരിച്ചു. രാജ്യത്തെ കൊവിഡ് കേസുകളിൽ 31% കേരളത്തിലാണ്. രാജ്യത്ത് കൊവിഡ് കേസുകൾ ഉയരുന്ന സാഹചര്യത്തിൽ സംസ്ഥാനങ്ങളോട് മുന്നൊരുക്കങ്ങൾ ഊർജിതമാക്കാൻ കേന്ദ്ര ആരോഗ്യമന്ത്രാലയം കഴിഞ്ഞ ദിവസം നിർദേശം നൽകിയികുന്നു. സംസ്ഥാനങ്ങളോട് ഓക്സിജൻ, ഐസൊലേഷൻ കിടക്കകൾ, വെന്റിലേറ്ററുകൾ, അവശ്യമരുന്നുകൾ എന്നിവയുടെ ലഭ്യത ഉറപ്പാക്കാനാണ് നിർദേശം നൽകിയത്. രോഗങ്ങളുള്ളവൾ ആൾക്കൂട്ടം ഒഴിവാക്കാനും മുന്നറിയിപ്പുണ്ട്. രോഗവ്യാപനം തടയുന്നതിനായി ജനങ്ങൾ ശുചിത്വം പാലിക്കണം, തുമ്മുമ്പോഴും ചുമയ്ക്കുമ്പോഴും അണുക്കൾ പടരാതെ ശ്രദ്ധിക്കണം, രോഗങ്ങളുള്ളവർ ആൾക്കൂട്ടങ്ങളിലേക്ക് പോകരുതെന്നും നിർദേശമുണ്ട്. ശ്വാസകോശ രോഗങ്ങളുള്ളവർ സൂക്ഷിക്കണമെന്നും, ഗുരുതര രോഗ ലക്ഷണങ്ങളുള്ളവർ വൈദ്യ സഹായം തേടണമെന്നും നിർദേശിച്ചു. പരിശോധന കൂട്ടാനും നിർദേശമുണ്ട്. ശ്വാസകോശ രോഗം ബാധിച്ച എല്ലാവരെയും, പകർച്ചപ്പനി പോലുള്ള രോഗങ്ങളുള്ളവരിൽ അഞ്ചുശതമാനം പേരെയും കൊവിഡ് പരിശോധനയ്ക്ക് വിധേയരാക്കാനാണ് നിലവിൽ നിർദേശമുള്ളത്.

പ്രാദേശികം

ബലി പെരുന്നാൾ നമസ്കാരം

enews 5 June,2025

ഈരാറ്റുപേട്ട : സംയുക്ത ഈദ്ഗാഹ് കമ്മറ്റിയുടെ ആഭിമുഖ്യത്തിൽ നടക്കൽ സ്പോർട്ടി ഗോ ടർഫിൽ രാവിലെ 7::15 ന് ഈദ്ഗാഹ് നടക്കും. മൗലവി ഹാഷിർ നദ്‌വി നേതൃത്വം നൽകും സ്ത്രീകൾക്ക് പ്രത്യേക സൗകര്യമുണ്ടായിരിക്കും

പ്രാദേശികം

ഈരാറ്റുപേട്ടയിലെ വിവിധ പള്ളികളിലും ഈദ് ഗാഹുകളിലും ശനിയാഴ്ച നടക്കുന്ന ഈദുൽ അസ്ഹ (ബലി പെരുന്നാൾ) നമസ്‌ക്കാര സമയം

enews 5 June,2025

ഈരാറ്റുപേട്ട ടൗൺ .നൈനാർ മസ്ജിദ് അഷറഫ് മൗലവി. രാവിലെ 7.30 ഈരാറ്റുപേട്ട ടൗൺ പുത്തൻ പള്ളി മസ്ജിദ് അലി ബാഖവി രാവിലെ 7.15 ഈരാറ്റുപേട്ട ടൗൺ .മുഹ്‌യിദ്ദീൻ മസ്ജിദ് .മുഹമ്മദ് സുബൈർ മൗലവി അൽ ഖാസിമി രാവിലെ 7.15 കടുവാമൂഴി മസ്ജിദുനൂർ ഇബ്രാഹീം കുട്ടി മൗലവി രാവിലെ 7.15 വാക്കാപറമ്പ് മസ്ജിദുൽ റഹ് മത്ത് മുജീബ് മൗലവി രാവിലെ 7.15 വടക്കേക്കര സുന്നി മസ്ജിദ് മുഹമ്മദ് ലബീബ് അസ്ഹരി രാവിലെ 7-30 നടയ്ക്കൽ മസ്ജിദുൽ അമാൻ മുഹമ്മദ് ബല്യാ ഖാൻ ഇർഷാദി രാവിലെ 6.45 നടയ്ക്കൽ മസ്ജിദുൽ ഹുദാ മുഹമ്മദ് ഉനൈസ് മൗലവി രാവിലെ 7.15 നടയ്ക്കൽ അറഫ ജും അ മസ്ജിദ് മുഫ്തി സഈദ് മൗലവി രാവിലെ 7 00 നടയ്ക്കൽ സഫാ മസ്ജിദ് അനസ് മന്നാനി രാവിലെ 7.00 നടയ്ക്കൽ മുബാറക്ക് മസ്ജിദ് അബ്ദുൽ മജീദ് മൗലവി രാവിലെ 7.15 പത്താഴപ്പടി മസ്ജിദുൽ റഹ്മാൻ അബ്ദുൽ സത്താർ മൗലവി രാവിലെ 7.15 പത്താഴപ്പടി മസ്ജിദുൽ ബറക്കാത്ത് ഹാരിസ് ഫലാഹി രാവിലെ 7 00 തേവരുപാറ ജബലുന്നൂർ ജുമാ മസ്ജിദ് ഷിബ് ലി മൗലവി : രാവിലെ 7 .00 കാരയ്ക്കാട് അൽ ഈമാൻ മസ്ജിദ് കാരയ്ക്കാട് സാബിത്ത് മൗലവി രാവിലെ 7.00 മറ്റയ്ക്കാട് മസ്ജിദുൽ ഫുർഖാൻ അഫ്സൽ ബാസിത് മൗലവി രാവിലെ 7 00 ആലുംന്തറ ഇജാബ ജും. അ മസ്ജിദ് ഇമാം മുഹമ്മദ് ഇസ് മായിൽ മൗലവി രാവിലെ 7 .00 മുരുക്കോലി അൻസാർ ജും അ മസ്ജിദ് ഇമാം അനസുൽഖാസിമി രാവിലെ 7.15 വട്ടക്കയം മർവ മസ്ജിദ് ഇമാം അഷറഫ് മൗലവി രാവിലെ 7.15 ഇടകളമറ്റം മസ്ജിദുൽ ഖുബ ഇമാം ഇഖ്ബാൽ വാഫി രാവിലെ 7.30 ഇടകളമറ്റം ബിലാൽ മസ്ജിദ് നുഹ്മാൻ മൗലവി രാവിലെ 7.15 തെക്കേക്കര : സ്വഹാബ . മസ്ജിദ് . മുഹമ്മദ് ബിലാൽ മൗലവി . രാവിലെ 7 -30 തെക്കേക്കര . മന്തക്കുന്ന് തഖ് വ . മസ്ജിദ് . സുബൈർ മൗലവി രാവിലെ 7.15. തെക്കേക്കര . നൂറുൽ ഹുദാ മസ്ജിദ് . അഷറഫ് മൗലവി രാവിലെ 7 .3,0 തെക്കേക്കര : ഉമർ ബ്നുൽ ഖത്താബ് മസ്ജിദ് അബാബീൽ മൗലവി രാവിലെ 7.15 തെക്കേക്കര : ചിറപാറ ഫാത്തിമ മസ്ജിദ് ലുത്ത്ഫുള്ള മൗലവി രാവിലെ 7:15: തെക്കേക്കര മുത്താരംകുന്ന്. മസ്ജിദ് റഹ്മ മുഹമ്മദ് റംഷിദ് മൗലവി രാവിലെ 7.15 തെക്കേക്കര മദീന മസ്ജിദ് സാബിത് മൗലവി രാവിലെ 7 .00 തെക്കേക്കര ജീലാനീ മസ്ജിദ് മുഹമ്മദ് സ്വബാഹ് മൗലവി രാവിലെ 7 -30 തലനാട് അൽ മദീന മസ്ജിദ് നസീഫ് മൗലവി രാവിലെ 7.15 പാലാ മസ്ജിദുൽ ഫലാഹ് അബ്ദുൽ ഹക്കീം ഖാസിമിരാവിലെ 7.30 ഈരാറ്റുപേട്ടയിലെ ഈദ് ഗാഹുകൾ സംയുക്ത ഈദ് ഗാഹ് നടയ്ക്കൽ സ്പോർട്ടികോ മൈതാനം ഹാഷിർ നദ് വി രാവിലെ 7.15 വിസ്ഡം ഈദ് ഗാഹ്കടുവാമൂഴി ബസ്സ് സ്റ്റാന്റ് ഗ്രൗണ്ട് ആസിഫ് അൽ ഹിഖ്മി രാവിലെ 7.15

പ്രാദേശികം

റൈസിംഗ് പൂഞ്ഞാർ : മുന്നൊരുക്ക സെമിനാർ നടത്തി

Enews 5 June,2025

ഈരാറ്റുപേട്ട : സംസ്ഥാന വ്യവസായ വകുപ്പിന്റെ സംരംഭക വർഷാചാരണത്തിന്റെ ഭാഗമായി പൂഞ്ഞാർ നിയോജക മണ്ഡലത്തിൽ നടക്കുന്ന റൈസിംഗ് പൂഞ്ഞാർ നിക്ഷേപ സംഗമത്തിന്റെ മുന്നോടിയായി താലൂക്ക് വ്യവസായ ഓഫീസിന്റെ നേതൃത്വത്തിൽ മുന്നൊരുക്ക സെമിനാർ ഈരാറ്റുപേട്ട ബ്ലോക്ക് പഞ്ചായത്ത് കോൺഫറൻസ് ഹാളിൽ നടത്തി. യുവ സംരംഭകരെ പ്രോത്സാഹിപ്പിക്കുന്നത് ലക്ഷ്യം വെച്ചും ടൂറിസം മേഖലയിലെ പുതിയ സംരംഭക സാധ്യതകൾ സംബന്ധിച്ചുമാണ് സെമിനാർ നടത്തിയത്. ബ്ലോക്ക് പഞ്ചായത്ത് പ്രസിഡന്റ് മറിയാമ്മ ഫെർണാണ്ടസിന്റെ അധ്യക്ഷതയിൽ അഡ്വ. സെബാസ്റ്റ്യൻ കുളത്തുങ്കൽ എംഎൽഎ സെമിനാർ ഉദ്ഘാടനം ചെയ്തു. പൂഞ്ഞാർ ഗ്രാമപഞ്ചായത്ത് പ്രസിഡന്റ് ഗീത നോബിൾ, പൂഞ്ഞാർ ഗ്രാമ പഞ്ചായത്ത് പ്രസിഡന്റ് ജോർജ് മാത്യു,ബ്ലോക്ക് പഞ്ചായത്ത് മെമ്പർമാരായ രമ മോഹൻ, ജെറ്റോ ജോസഫ്, മിനി സാവിയോ,അജിത്ത് കുമാർ, അഡ്വ.അക്ഷയ് ഹരി, മറ്റ് ത്രിതല പഞ്ചായത്ത് ജനപ്രതിനിധികൾ, ഉദ്യോഗസ്ഥർ തുടങ്ങിയവർ പങ്കെടുത്തു. സുബിൻ പോൾ സെമിനാറിൽ ക്ലാസ് നയിച്ചു. ജൂൺ 9ന് ഈരാറ്റുപേട്ടയിൽ നടക്കുന്ന നിക്ഷേപ സംഗമത്തിലൂടെ ആയിരം കോടി രൂപയുടെ നിക്ഷേപം ആകർഷിക്കുകയും അതിലൂടെ പതിനായിരത്തിൽ കുറയാതെ പുതിയ തൊഴിൽ അവസരങ്ങൾ സൃഷ്ടിക്കുന്നതിനും ലക്ഷ്യം വെച്ച് വിഷൻ 2030 എന്ന കാഴ്ചപ്പാടോടെ ആണ് റൈസിംഗ് പൂഞ്ഞാർ ഇൻവെസ്റ്റേഴ്സ് മീറ്റ് നടത്തുന്നത് എന്ന് അഡ്വ. സെബാസ്റ്റ്യൻ കുളത്തുങ്കൽ എംഎൽഎ പറഞ്ഞു. ടൂറിസം,ഐ.ടി,റബർ, ഭക്ഷ്യോപാധികളുടെ മൂല്യ വർധിത ഉത്പാദന സംസ്കരണ യൂണിറ്റുകൾ, സുഗന്ധവ്യഞ്ജനാധിഷ്ഠിത ഉൽപന്ന നിർമ്മാണങ്ങൾ എന്നീ മേഖലകളിലെ സാധ്യതകൾ ഉൾപ്പെടുത്തി മികച്ച വരുമാനസ്രോതസുകൾ ജനങ്ങളിലേക്ക് എത്തിക്കുക എന്നിവ ലക്ഷ്യം വെച്ചാണ് ഇത്തരമൊരു മീറ്റ് സംഘടിപ്പിച്ചിരിക്കുന്നത് എന്നും എംഎൽഎ കൂട്ടിച്ചേർത്തു.

പ്രാദേശികം

പരിസ്ഥിതി ദിനാചരണം നടത്തി

Enews 5 June,2025

ഈരാറ്റുംപേട്ട .. ലോക പരിസ്ഥിതി ദിനത്തിൽ. ബാർ അസോസിയേഷന്റെ നേതൃത്തത്തിൽ കോടതി പരിസരത്ത് ദിനാചരണം നടത്തി. ഈരാറ്റുപേട്ട ഫാസ്റ്റ് ട്രാക്ക് സ്പെഷ്യൽ കോർട്ട് ജഡ്ജ് റോഷൻ തോമസ് കോടതി പരി: സരത്ത് വൃക്ഷ തൈ നട്ട് ദിനായരണം ഉദ്ഘാടനം ചെയ്തു. ബാർ അസോസിയേഷൻ പ്രസിഡണ്ട് അഡ്വ.ജയ്സൺ ഇ ജോസ് അദ്യക്ഷതവഹി ച്ച യോഗത്തിൽ. ഈരാറ്റുപേട്ട മുൻ സി ഫ് മജിസ്ട്രേട്ട് ആർ.കൃഷ്ണപ്രഭൻ മുഖ്യ പ്രഭാഷണം നടത്തി. സെക്രട്ടറി അഡ്വ.ജോമോൻഐക്കര അഡ്വ.വി.ജെ.ജോസ് എന്നിവർ സംസാരിച്ചു.

പ്രാദേശികം

ടീം റെസ്ക്യൂ ഫോഴ്സിന്റെ നേതൃത്വത്തിൽ ഈരാറ്റുപേട്ടയിൽ വിവിധ ഭാഗങ്ങളിൽ വൃക്ഷത്തൈകൾ നട്ടു

Enews 5 June,2025

ഈരാറ്റുപേട്ട: ലോക പരിസ്ഥിതി ദിനത്തോടനുബന്ധിച്ച് ടീം റെസ്ക്യൂ ഫോഴ്സ് നടപ്പാക്കുന്ന വൃക്ഷ തൈ നടൽ ടീം റെസ്ക്യൂ ഫോഴ്സ് രക്ഷാധികാരിയും ഡിവിഷൻ കൗൺസിലറുമായ പി എം അബ്ദുൽ ഖാദർ ടീം പ്രസിഡന്റ് വി എം നൗഷാദ് അംഗങ്ങളുടെ സാന്നിധ്യത്തിൽ M. L. P. S ഗ്രൗണ്ടിൽ തൈനട്ട് ഉദ്ഘാടനം നിർവഹിച്ചു.

കേരളം

നേരത്തെ പ്രഖ്യാപിച്ച പെരുന്നാൾ അവധി സർക്കാർ റദ്ദാക്കിയത് പ്രതിഷേധാർഹം, നാളെ അവധി പ്രഖ്യാപിക്കണമെന്ന് പിഎംഎ സലാം Web Desk | Published

Enews 5 June,2025

കോഴിക്കോട്: നേരത്തെ പ്രഖ്യാപിച്ച പെരുന്നാൾ അവധി റദ്ദാക്കിയത് പ്രതിഷേധാർഹമാണെന്ന് ലീഗ് സംസ്ഥാന ജനറൽ സെക്രട്ടറി പിഎംഎ സലാം. വെള്ളിയാഴ്ച അവധിയായി പ്രഖ്യാപിക്കണമെന്നും പിഎംഎ സലാം ആവശ്യപ്പെട്ടു. ബലിപെരുന്നാൾ പ്രമാണിച്ച് വിദ്യാഭ്യാസ സ്ഥാപനങ്ങളടക്കമുള്ള സർക്കാർ ഓഫീസുകൾക്ക് ജൂൺ 6ന് (നാളെ) നേരത്തെ അവധി ദിവസമായി പ്രഖ്യാപിച്ചിരുന്നു. എന്നാൽ പെരുന്നാൾ ശനിയാഴ്ചയാണെന്ന ന്യായം പറഞ്ഞ് സർക്കാർ വെള്ളിയാഴ്ചത്തെ അവധി ഇപ്പോൾ റദ്ദാക്കിയിരിക്കുകയാണ്. ഇത് ഏറെ പ്രതിഷേധാർഹമാണ്. വെള്ളിയാഴ്ച നോമ്പ് ദിവസവും പെരുന്നാളിനോടനുബന്ധിച്ച് വളരെ പ്രധാനപ്പെട്ട ദിവസവുമാണ്. പെരുന്നാൾ ശനിയാഴ്ച ആയതിനാൽ പ്രത്യേക അവധി നൽകേണ്ടിവരുന്നുമില്ല. ഈ സാഹചര്യത്തിൽ നേരത്തെ പ്രഖ്യാപിക്കപ്പെട്ട പോലെ ജൂൺ 6ന് വെള്ളിയാഴ്ച അവധിയായി പ്രഖ്യാപിക്കണമെന്ന് ആവശ്യപ്പെടുന്നു. വെള്ളിയാഴ്ചയിലെ അവധി റദ്ദാക്കിയ നടപടി ഉടനെ പിൻവലിക്കണമെന്നും സർക്കാറിനോട് ആവശ്യപ്പെടുന്നുവെന്നും പിഎംഎ സലാം പുറത്തിറക്കിയ വാർത്താ കുറിപ്പിൽ പറയുന്നു. സംസ്ഥാനത്ത് സംസ്ഥാനത്തെ ബലി പെരുന്നാൾ അവധി ശനിയാഴ്ചയായിരിക്കുമെന്ന് സർക്കാർ ഉത്തരവിറക്കിയിരുന്നു. നാളെ തീരുമാനിച്ച അവധിയാണ് ശനിയാഴ്ചത്തേക്ക് മാറ്റിയത്. മാസപ്പിറവി വൈകിയതിനാൽ ബലി പെരുന്നാൾ മറ്റന്നാളേക്ക് മാറിയതിനാലാണ് അവധിയിലും മാറ്റം വന്നത്. കേരളത്തിൽ മാസപ്പിറവി ദൃശ്യമാവാത്ത ബലി പെരുന്നാൾ ജൂൺ ഏഴ് ശനിയാഴ്ച ആയിരിക്കും.

Latest News

Follow Us

Popular News