ഈരാറ്റുപേട്ട : ഹയാത്തൂദ്ധീൻ ഹൈസ്കൂൾ അറബിക് ക്ലബ്ബിന്റെ ആഭിമുഖ്യത്തിൽ വായന ദിനം ആചരിച്ചു വായനയുടെ മഹത്വവും ആവശ്യകതയും ഉൾപ്പെടുത്തി പത്ര വാർത്ത വിവർത്തന മത്സരം സംഘടിപ്പിച്ചു. പത്താം ക്ലാസ്സ് കുട്ടികൾക്കുള്ള പ്രേത്യേക പരിപാടിയായിരുന്നു വിവർത്തന മത്സരം, മത്സരത്തിൽ അസ്മിൻ ഹബീബ് ഒന്നാം സ്ഥാനം നേടി. പത്ര വായനയുടെ ഗുണങ്ങളെ കുറിച്ച് ഫായിസ് മുഹമ്മദ് വിവരണം നടത്തി
ഈരാറ്റുപേട്ട : മുസ്ലിം ഗേൾസ് ഹയർസെക്കൻഡറി സ്കൂളിൽ മലയാളം ഭാഷ ക്ലബ്ബിൻ്റെ ആഭിമുഖ്യത്തിൽ വായനയ്ക്കൊരു വാതായനം എന്ന പേരിൽ വായനമാസാചരണത്തിന് തുടക്കം കുറിച്ചു. ഈരാറ്റുപേട്ട ഐഡിയൽ ലൈബ്രറി കൺവീനറും, സാംസ്കാരിക പ്രവർത്തകനുമായ പി എം മുഹ്സിൻ പരിപാടി ഉദ്ഘാടനം ചെയ്തു. കുട്ടികൾ വായിച്ചിരിക്കേണ്ട 5 പുസ്തകങ്ങൾ അദ്ദേഹം പരിചയപ്പെടുത്തുകയും ആ പുസ്തകങ്ങൾ സ്കൂളിന് സമ്മാനിക്കുകയും ചെയ്തു. സ്കൂൾ മാനേജർ എംകെ അൻസാരി, ഹെഡ്മിസ്ട്രസ് എംപി ലീന, വിദ്യാർത്ഥിനി മിൻഹാ ഖദീജ എന്നിവർ സംസാരിച്ചു. മലയാളം അധ്യാപിക ഇ വി ശ്രീജ പി എൻ പണിക്കർ അനുസ്മരണം നടത്തി. ചടങ്ങിൽ കുട്ടി എഴുത്തുകാരെ അനുമോദിച്ചു, അവരുടെ രചനകളുടെ പതിപ്പ് പ്രകാശനം ചെയ്തു. ജൂൺ 19 മുതൽ ജൂലൈ 16 വരെ സംഘടിപ്പിച്ചിരിക്കുന്ന വായന മാസാചരണത്തിന്റെ ഭാഗമായി പ്രശ്നോത്തരി, മത്സരം, പോസ്റ്റർ നിർമ്മാണം, ലൈബ്രറി സന്ദർശനം, ഭാഷാ ശില്പശാല, രചനാ ശിൽപ്പിശാല, പ്രസംഗം എന്നിവ സംഘടിപ്പിക്കും. ഇംഗ്ലീഷ്, ഹിന്ദി, അറബിക് ക്ലബ്ബുകളുടെ ആഭിമുഖ്യത്തിൽ വിദ്യാർത്ഥികൾക്കായി നിരവധി വായന പ്രോത്സാഹന പദ്ധതികൾ ആസൂത്രണം ചെയ്തിട്ടുണ്ട്.
ഈരാറ്റുപേട്ട: ഗവ. മുസ്ലിം എൽ.പി സ്കൂൾ വായന വാരത്തോടനുബന്ധിച്ചുള്ള വിവിധ പരിപാടികളുടെ യും അലിഫ് അറബി ക്ലബ്ബിൻ്റെ ഉദ്ഘാടനവും ഗ്രന്ഥകാരനും വിവർത്തകനും ഈരാറ്റുപേട്ട ബി.എഡ് കോളേജ് റിട്ട. അസിസ്റ്റൻ്റ് പ്രെഫസറുമായ എം.എസ്.എ റസാഖ് നിർവഹിച്ചു. വായനാ വാരത്തിന്റെ ഭാഗമായി ഒന്നാം ക്ലാസ് വിദ്യാർത്ഥികൾക്കായി അക്ഷര മര നിർമാണം,രണ്ടാം ക്ലാസ് വിദ്യാർത്ഥികൾക്കായി പദപ്പയറ്റ്,3, 4 ക്ലാസ് വിദ്യാർത്ഥികൾക്കായി ക്വിസ് മത്സരം, പതിപ്പ് നിർമാണം, വായനമത്സരം തുടങ്ങിയവ സംഘടിപ്പിക്കും. ഹെഡ്മാസ്റ്റർ മാത്യു കെ. ജോസഫ് അധ്യക്ഷത വഹിച്ചു. സ്റ്റാഫ് സെക്രട്ടറി മുഹമ്മദ് യാസീൻ എ.യു, സീനിയർ അസിസ്റ്റൻ്റ് ഷാജിന തുടങ്ങിയവർ സംസാരിച്ചു.
കോട്ടയം :'ജീവനാണ് വലുത,് ലഹരി വേണ്ടേ വേണ്ട' ക്യാമ്പയിനുമായി ജില്ലാ നാര്കോ കോ ഓര്ഡിനേഷന് സെന്റര്.ഡോക്ടറുടെ കുറിപ്പടിയില്ലാതെ നാര്ക്കോട്ടിക് / സൈക്കോട്രോപ്പിക് മരുന്നുകള് ഈ സ്ഥാപനത്തില് നിന്ന് വില്പ്പന നടത്തില്ല എന്ന പോസ്റ്റര് ജില്ലയിലെ മുഴുവന് മെഡിക്കല് ഷോപ്പുകളിലും പരസ്യപ്പെടുത്തും. ദുരുപയോഗ സാധ്യതകളുള്ള മരുന്നുകളുടെ ഉപയോഗം തടഞ്ഞ് പൊതുസമൂഹത്തെ ബോധവത്കരിക്കുകയുമാണ് ലക്ഷ്യം. പ്രചാരണത്തിന്റെ ജില്ലാതല ഉദ്ഘാടനം ജില്ലാ കളക്ടര് ജോണ് വി. സാമുവല് നിര്വഹിച്ചു. കോട്ടയം ജനറല് ആശുപത്രിയില് നടന്ന ചടങ്ങില് കൊല്ലം അസിസ്റ്റന്റ് ഡ്രഗ്സ് കണ്ട്രോളര് ഡോ. അജു ജോസഫ് കുര്യന് അധ്യക്ഷത വഹിച്ചു. ഡെപ്യൂട്ടി ആര്.എം.ഒ. ഡോ. ജിഷ ജോണ്സണ് എബ്രഹാം,നാര്ക്കോട്ടിക് സെല് എസ്.ഐ. റോഷിന് സേവ്യര്, ഡ്രഗ്സ് ഇന്സ്പെക്ടര്മാരായ താരാ എസ്. പിള്ള,ഡോ. ജമീല ഹെലന് ജേക്കബ്,ഡോ. ബബിത കെ. വാഴയില്,ഓള് കേരളാ കെമിസ്റ്റ് ആന്ഡ് ഡ്രഗിസ്റ്റ് അസോസിയേഷന് ഭാരവാഹികള് എന്നിവര് പങ്കെടുത്തു.
അരുവിത്തുറ : വിദ്യാഭ്യാസം ആജീവനാന്തം അനന്ദം പകരുന്ന പ്രക്രിയാകണമെന്ന് ഡോ രാജു നാരായണ സ്വാമി ഐ ഏ എസ്സ് പറഞ്ഞു മാനവീകതയും മനുഷ്യത്വവും മൂല്യങ്ങളും ഉൾകൊള്ളുന്നതാവണം വിദ്യാഭ്യാസമെന്നും അദേഹം പറഞ്ഞു. അരുവിത്തുറ സെൻറ് ജോർജ് കോളജിലെ ബിരുദദാന ചടങ്ങ് ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.400 ഓളം വിദ്യാർത്ഥികളാണ് ബിരുദം പൂർത്തിയാക്കി സർട്ടിഫിക്കറ്റുകൾ ഏറ്റുവാങ്ങിയത്പി ജി വിദ്യാർത്ഥികൾക്കുള്ള ബിരുദ സർട്ടിഫിക്കറ്റുകളും യൂണിവേഴ്സിറ്റി റാങ്ക് നേടി വിജയിച്ച വിദ്യാർത്ഥികൾക്കുള്ള സർട്ടിഫിക്കറ്റുകളും കോളേജിൽ നിന്നും ക്യാമ്പസ് പ്ലെയ്സ്മെൻ്റിലൂടെ വിവിധ സ്ഥാപനങ്ങളിൽ ജോലി നേടിയ വിദ്യാർത്ഥികൾക്കുള്ള സർട്ടിഫിക്കറ്റുകളും ചടങ്ങിൽ വിതരണം ചെയ്തു.കോളേജ് മാനേജർ വെരി റവ. ഫാ സെബാസ്റ്റ്യൻ വെട്ടുകല്ലേൽ അധ്യക്ഷത വഹിച്ച ചടങ്ങിൽ പാലാ രൂപതാ പ്രോട്ടോസിഞ്ചല്യൂസ്സ് മോൺ. റവ ഡോ ജോസഫ് തടത്തിൽ അനുഗ്രഹ പ്രഭാഷണം നടത്തി.കോളേജ് ബർസാർ റവ ഫാ.ബിജു കുന്നയ്ക്കാട്ട് വൈസ് പ്രിൻസിപ്പാൾ ഡോ ജിലു ആനി ജോൺ, ഐ ക്യു ഏ സി കോഡിനേറ്റർ ഡോ.സുമേഷ് ജോർജ് തുടങ്ങിയവർ ചടങ്ങിൽ സംസാരിച്ചു.
തിരുവല്ല : സുഹൃത്തുക്കളുമൊത്ത് കുളിക്കുന്നതിനിടെ പാടശേഖരത്തിലെ ഒഴുക്കിൽപ്പെട്ട് കാണാതായ പ്ലസ് ടു വിദ്യാർഥിയുടെ മൃതദേഹം കണ്ടെടുത്തു. ഇരവിപേരൂർ തിരുവാമനപുരത്തെ പാടശേഖരത്തിൽ കാണാതായ കറ്റോട് ഇരുവള്ളിപ്പറ വാഴക്കൂട്ടത്തിൽ വീട്ടിൽ സാബു - രമ്യ ദമ്പതികളുടെ മകൻ ജെറോ ഏബ്രഹാം സാബു ( 17 ) ൻ്റെ മൃതദേഹമാണ് ഈരാറ്റുപേട്ടയിൽനിന്നും എത്തിയ മുങ്ങൽ വിദഗ്ദ്ധരുൾപ്പെടുന്ന ടീം എമർജൻസി നടത്തിയ പരിശോധനയിൽ പാടശേഖരത്തിന്റെ അടിത്തട്ടിൽ നിന്നും ഇന്ന് (വ്യാഴം) രാവിലെ ഏഴേകാലോടെ കണ്ടെത്തിയത്. ബുധനാഴ്ച വൈകിട്ട് 5 മണിയോടെയാണ് ജെറോ അടങ്ങുന്ന അഞ്ചംഗ സംഘം കുളിക്കാൻ ഇറങ്ങിയത്. കുളിക്കുന്നതിനിടെ ഒപ്പം ഉണ്ടായിരുന്ന സുഹൃത്ത് ഒഴുക്കിൽപ്പെട്ടു. ഇയാളെ രക്ഷിക്കാൻ ശ്രമിക്കുന്നതിനിടെ ജെറോ ഒഴുക്കിൽപ്പെട്ട് മുങ്ങിത്താഴുകയായിരുന്നു. ഒഴുക്കിൽപ്പെട്ട സുഹൃത്തിനെ കുട്ടികളുടെ ബഹളം കേട്ട് ഓടിക്കൂടിയ നാട്ടുകാർ ചേർന്ന് രക്ഷപ്പെടുത്തി. തുടർന്ന് തിരുവല്ലയിൽ നിന്നും എത്തിയ അഗ്നി രക്ഷാ സേന ഉദ്യോഗസ്ഥർ ചേർന്ന് ആരംഭിച്ച തെരച്ചിൽ വെളിച്ചക്കുറവ് മൂലം രാത്രി ഏഴു മണിയോടെ അവസാനിപ്പിച്ചിരുന്നു. തിരുമൂലപുരം ബാലികാ മഠം ഹയർസെക്കൻഡറി സ്കൂളിലെ പ്ളസ് ടു വിദ്യാർത്ഥിയാണ് മരിച്ച ജെറോം. സഹോദരങ്ങൾ : പ്രെയ്സൺ സാബു, ജോഹാൻ സാബു.
ഈരാറ്റുപേട്ട - ഇറാന് നേരെ ഇസ്രായേൽ നടത്തുന്ന കടന്നാക്രമണത്തിൽ പ്രതിഷേധിച്ചും, ഐക്യരാഷ്ട്ര സഭ ഇടപെടണം എന്നാവശ്യപ്പെട്ട് എസ്.ഡി.പി.ഐ. ഈരാറ്റുപേട്ട മുനിസിപ്പൽ കമ്മിറ്റി നേതൃതത്തിൽ പ്രതിഷേധപ്രകടനം നടത്തി. മുനിസിപ്പൽ കമ്മിറ്റി പ്രസിഡൻ്റ് സഫീർ കുരുവനാൽ, , കെ.യു. സുൽത്താൻ, മണ്ഡലം പ്രസിഡൻ്റ് ഹലിൽ തലപളളിൽ, നഗരസഭാ കൗൺസിലർ അബ്ദുൽ ലത്തീഫ് സുബൈർ വെള്ളാപള്ളീൽ, ജെലീൽ കെ.കെ. പി. , സി.എച്ച് ഹസീബ് , അഡ്വ സി.പി. അജ്മൽ കെ.യു മാഹിൻ എന്നിവർ പരിാടികൾക്ക് നേതൃതം നൽകി
പെട്രോൾ പമ്പുകളിലെ ശുചിമുറി പൊതുജനങ്ങൾക്ക് ഉപയോഗിക്കാനാവില്ലെന്ന നിർണായക ഉത്തരവുമായി ഹൈക്കോടതി. ഉപഭോക്താക്കൾക്ക് മാത്രമേ പമ്പുകളിലെ ശുചിമുറി ഉപയോഗിക്കാനാകൂ എന്നാണ് നിലപാട്. പെട്രോളിയം ട്രേഡേഴ്സ് അസോസിയേഷൻ നൽകിയ ഹർജിയിലാണ് ഉത്തരവ്. പമ്പുകളിലെ ശുചിമുറി പൊതുജനാവശ്യത്തിന് ഉപയോഗിക്കാമെന്ന് നേരത്തെ സർക്കാർ വിജ്ഞാപനം ചെയ്തിരുന്നു. ഇത് ചോദ്യം ചെയ്താണ് പെട്രോളിയം ട്രേഡേഴ്സ് ആൻഡ് ലീഗൽ സർവീസ് സൊസൈറ്റി ഹൈകോടതിയെ സമീപിച്ചത്. സ്വകാര്യ പമ്പുടമകൾ വൃത്തിയാക്കി പരിപാലിക്കുന്ന ശുചിമുറികൾ പൊതു ശുചിമുറിയായി മാറ്റാൻ നിർബന്ധിക്കുന്ന സാഹചര്യമാണ് നിലവിലുള്ളതെന്ന് ഹർജിക്കാർ വാദിച്ചു. വാഹനങ്ങളിൽ ഇന്ധനം നിറയ്ക്കാൻ വരുന്ന ഉപഭോക്താക്കൾക്ക് മാത്രമായി പമ്പിലെ ശുചിമുറികൾ പരിമിതപ്പെടുത്തണമെന്ന ആവശ്യമാണ് ഹൈക്കോടതി അംഗീകരിച്ചത്. പെട്രോൾ പമ്പുകളുടെ സുരക്ഷ മുൻനിർത്തിയാണ് ഉത്തരവ്. ജസ്റ്റിസ് സി എസ് ഡയസിന്റെ ബെഞ്ചാണ് കേസ് പരിഗണിച്ചത്.
