പനയ്ക്കപ്പാലം: ബസും ബൈക്കും കൂട്ടിയിടിച്ച് 2 പേർക്ക് പരുക്ക്. ഗുരുതര പരുക്കേറ്റ കരൂർ സ്വദേശി വിപിൻ (37) മേലമ്പാറ സ്വദേശി ശ്രീകാന്ത് ആർ നായർ (37) എന്നിവരെ ചേർപ്പുങ്കൽ മാർ സ്ലീവാ മെഡിസിറ്റിയിൽ പ്രവേശിപ്പിച്ചു.ഇന്ന് 4.30 യോടെ പാലാ – ഈരാറ്റുപേട്ട റൂട്ടിൽ പനയ്ക്കപ്പാലത്ത് ആയിരുന്നു അപകടം.
ഈരാറ്റുപേട്ട: പ്രപഞ്ച സംവിധാനങ്ങളുടെ താളപ്പൊരുത്തമാണ് ഇസ്ലാമിക ദർശനത്തിൻ്റെ അടിത്തറയെന്ന് പ്രമുഖ പണ്ഡിതനും സംവാദകനുമായ ശുഐബുൽ ഹൈതമി അഭിപ്രായപ്പെട്ടു. മനുഷ്യൻ പ്രപഞ്ചഘടനയിലെ ഒരു ഘടകം മാത്രമാണെന്നും അവൻ്റെ മാത്രം അതിജീവനമല്ല ദൈവിക നീതിയെന്നും അദ്ദേഹം പറഞ്ഞു. ലിബറലിസം, യുക്തിവാദം, ഇസ്ലാം എന്ന വിഷയത്തിൽ ഈരാറ്റുപേട്ട മുസ്ലിം കോർഡിനേഷൻ കമ്മിറ്റി സംഘടിപ്പിച്ച ഏകദിന വർക് ഷോപ്പിൽ സംസാരിക്കുകയായിരുന്നു അദ്ദേഹം. മനുഷ്യൻ്റെ ശുദ്ധപ്രകൃതിയിൽ കളങ്കം വരുത്തി പ്രപഞ്ചഘടനയെ താളം തെറ്റിക്കുന്നവയാണ് സ്വതന്ത്രവാദികളുടെ ചിന്താഗതികളെന്ന് അദ്ദേഹം കുട്ടിച്ചേർത്തു.നവനാസ്തികതയും ലിബറലിസവും വലിയ തോതിൽ സ്വീകരിക്കപ്പെടുന്നു എന്ന തരത്തിലുള്ള പ്രചാരണം കേവലം പ്രൊപഗണ്ട മാത്രമാണെന്ന് വിഷയം അവതരിപ്പിച്ച ഡോ. കെ. മുഹമ്മദ് നജീബ് അഭിപ്രായപ്പെട്ടു. നവനാസ്തികത യുക്തിവാദമല്ലെന്നും പ്രമുഖരായ യുക്തിവാദികളിൽ പലരും ദൈവവിശ്വാസികളായിരുന്നുവെന്നും അദ്ദേഹം പറഞ്ഞു.ഈരാറ്റുപേട്ട ബറക്കാത്ത് സ്ക്വയറിൽ നടന്ന വർക് ഷോപ്പ് ഈരാറ്റുപേട്ട പുത്തൻപള്ളി ഇമാം അലി ബാഖവി ഉൽഘാടനം ചെയ്തു. മുഹമ്മദ് നദീർ മൗലവി, വി.പി സുബൈർ മൗലവി ; ഹാഷിർ നദ്വി, അവിനാശ് മൂസ എന്നിവർ സംസാരിച്ചു. ചെയർമാൻ നൗഫൽ ബാഖവി അധ്യക്ഷത വഹിച്ചു.
ഈരാറ്റുപേട്ട ; മഹാത്മ ഗാന്ധി യൂണിവേഴ്സിറ്റി ഫുട്ബോൾ ചാമ്പ്യൻഷിപ്പിൽ മത്സരിക്കുന്ന ഈരാറ്റുപേട്ട എം ഇ എസ് കോളജ് ടീം ജഴ്സി ലോഞ്ചിംഗ് പരിപാടിയിൽ പങ്കെടുത്തപ്പോൾ. പ്രിൻസിപ്പൽ പ്രഫ. എ.എം റഷീദ് ,നിയുക്ത കോളജ് യൂണിയൻ ചെയർമാൻ ഷഹിൻഷാ ഷെരീഫ് എന്നിവർ ഒപ്പം. ഷഹിൻഷാ ഷരീഫ് ജഴ്സി ലോഞ്ചിംഗ് നടത്തി.
ഈരാറ്റുപേട്ട :നാഷണൽ ടെസ്റ്റിംഗ് ഏജൻസി അഖിലേന്ത്യാടിസ്ഥാനത്തിൽ നടത്തിയ പരീക്ഷയിൽ , പി.എച്ച് ഡി ചെയ്യുന്നതിന് യോഗ്യത നേടിയ ഈരാറ്റുപേട്ട എം ഇ എസ് കോളജ് കമ്പ്യൂട്ടർ സയൻസ് അദ്ധ്യാപിക ഫഹ്മി സുഹാന. ഗ്രന്ഥകാരനും പ്രഭാഷകനുമായ എം.എസ് എ റസാഖിൻറെയും MGHSS മുൻ അദ്ധ്യാപിക സോഫി പി.കെ യുടെയും മകളാണ്' ബിസിനസ്കാരനായ ,ചങ്ങനാശ്ശേരി തെങ്ങണ ആമിക്കുളം വീട്ടിൽ ഷിഹാബ് ഷംസുദീനാണ് ഭർത്താവ്. കമ്പ്യൂട്ടർ സയൻസ് ആൻ്റ് ആപ്ലിക്കേഷനിൽ ഇന്ത്യയിലെ ഏത് യൂണിവേഴ്സിറ്റിയിലും റിസർച്ച് സെൻ്ററിലും പി.എച്ച് ഡി ചെയ്യാനാണ് ഫഹ്മി സുഹാന യോഗ്യത നേടിയിരിക്കുന്നത്.
ഈരാറ്റുപേട്ട : അരുവിത്തുറ സെൻറ് ജോർജ് കോളേജിൽ എസ്എഫ്ഐക്ക് ഉജ്ജ്വല വിജയം.. തുടർച്ചയായി ആറാം തവണയാണ് യൂണിയൻ നേടുന്നത്. തിരഞ്ഞെടുപ്പിന്റെ നാമനിർദ്ദേശപത്രിക സൂക്ഷ്മ പരിശോധന പൂർത്തിയായപ്പോൾ ഇരുപതോളം ക്ലാസുകളിൽ എസ്എഫ്ഐ വിജയിച്ചിരുന്നു. എംഎസ്എഫ്. കെഎസ്യു. സഖ്യത്തെയാണ്പരാജയപ്പെടുത്തിയത്..ആഹ്ലാദപ്രകടനം. കോളേജ് കവാടത്തിൽ നിന്നും ആരംഭിച്ചു. ഈരാറ്റുപേട്ട സെൻട്രൽ ജംഗ്ഷനിൽ എസ്എഫ്ഐ ജില്ലാ സെക്രട്ടറിയേറ്റ് മെമ്പർ എസ് നന്ദു ഉദ്ഘാടനം ചെയ്തു. ഏരിയ പ്രസിഡൻ്റ് ആകാശ്, മുൻജില്ലാ കമ്മിറ്റി അംഗങ്ങളായ സുരേഷ്, മുഹമ്മദ് റാഫി, എന്നിവർ സംസാരിച്ചു. തിരഞ്ഞെടുക്കപ്പെട്ട ഭാരവാഹികൾ. ചെയർപേഴ്സൺ. ജിത്തു ബിനു, വൈസ്ചെയർപേഴ്സൺ. സോനമോൾ ജോസ്, ആർട്സ് ക്ലബ് സെക്രട്ടറി. ഫായിസഷമീർ, ജനറൽ സെക്രട്ടറി. സഫാൻ വി പി, മാഗസിൻ എഡിറ്റർ. സി എസ് അനഘ, യു യു സി. അംബാലികാ ബാബു, അർജുൻ അയ്യപ്പൻ, ലേഡി റെപ്പ്. പ്രീതാപ്രകാശ്, അനഘ ശശി, ഫസ്റ്റ് ഇയർ റെപ്പ് മുഹമ്മദ് ഫയാസ്, പി ജി റപ്പ് ഇവാൻ മാത്യുഎന്നിവർ തിരഞ്ഞെടുത്തു.
ഈരാറ്റുപേട്ട ഉപജില്ല കായികമേളയിൽ എൽ പി വിഭാഗം ഓവറോൾ കിരീടം ജിഎം എൽ പി എസ് ഈരാറ്റുപേട്ട നിലനിർത്തി. എൽപി മിനി ഗേൾസ് ഓവറോൾ, എൽപി കിഡീസ് ഗേൾസ് ഓവറോൾ, എൽപി മിനി ബോയ്സ് റണ്ണറപ്പ്, എൽ പി ഗവൺമെൻ്റ് സൾ ഓവറോൾ, എൽ പി വിഭാഗം ഓവറോൾ, എന്നിവ കരസ്ഥമാക്കിയാണ് ഓവറോൾ കിരീടം നിലനിർത്തിയത്. വിദ്യാർത്ഥികളെ അനുമോദിക്കുന്ന ചടങ്ങ് മുനിസിപ്പൽ ചെയർപേഴ്സൺ ശ്രീമതി സുഹ്റ അബ്ദുൽ ഖാദർ ഉദ്ഘാടനം ചെയ്തു. ക്ഷേമകാര്യ സ്റ്റാൻഡിങ് കമ്മറ്റി ചെയർമാൻ പി എം അബ്ദുൽ ഖാദർ മുഖ്യപ്രഭാഷണം നടത്തി. തൽഹത്ത്, നിസാർ, സജിത്ത്, സുമീറ, ജിനു, എന്നിവർ സംസാരിച്ചു.പിടിഎ പ്രസിഡണ്ട് ശ്രീ ഹുസൈൻ അധ്യക്ഷത വഹിച്ച യോഗത്തിൽ ഹെഡ്മാസ്റ്റർ മാത്യു കെ ജോസഫ് സ്വാഗതവും മുഹമ്മദ് യാസീൻ നന്ദിയും പറഞ്ഞു.
ഈരാറ്റുപേട്ട: മതസ്പർധ, തീവ്രവാദ പ്രവർത്തനം എന്നീ കേസുകൾ 2017 മുതൽ 2023 ആഗസ്റ്റ് വരെ ഈരാറ്റുപേട്ട പൊലീസ് സ്റ്റേഷനിൽ രജിസ്റ്റർ ചെയ്തിട്ടില്ലായെന്ന് ജനകീയ വികസന ഫോറം പ്രസിഡൻറ് പി.എ .മുഹമ്മദ് ഷരീഫിന് ഈരാറ്റുപേട്ട പൊലീസ് സ്റ്റേഷനിലെ പബ്ലിക്ക് ഇൻഫർമേഷൻ ഓഫീസർ നൽകിയ വിവരാവകാശ മറുപടിയിൽ പറയുന്നു.എന്നാൽ ക്രമസമാധാന പ്രശ്നത്തിൽ ഈ കാലയളവിൽഎടുത്ത കേസുകൾ 69 എണ്ണം മാത്രമാണുള്ളത്.ഈരാറ്റുപേട്ടനഗരസഭയും തീക്കോയി, പൂഞ്ഞാർ, പൂഞ്ഞാർ തെക്കേക്കര, തലപ്പലം, തലനാട് എന്നീ പഞ്ചായത്തുകളുമാണ് ഈരാറ്റുപേട്ട പൊലീസ് സ്റ്റേഷൻ്റെ പ്രവർത്തന പരിധി2017 മുതൽ മതസ്പർധ, തീവ്രവാദ പ്രവർത്തനം, ക്രമസമാധാനം എന്നിവയിൽ ഈരാറ്റുപേട്ട സ്റ്റേഷനിൽ രജിസ്റ്റർ ചെയ്തിട്ടുള്ള കേസുകളുടെ എണ്ണവും നമ്പരും തീയതിയും അപേക്ഷകന് നൽകണമെന്ന് സംസ്ഥാന വിവരാവകാശ കമ്മിഷണർ ഡോ.കെ.എം ദിലീപ് 2024 സെപ്തം മ്പർ 2 ന് ഈരാറ്റുപേട്ട പൊലീസ് സ്റ്റേഷനിലെ സ്റ്റേറ്റ് പബ്ലിക്ക് ഇൻഫർമേഷൻ ഓഫീസർക്ക് ഉത്തരവ് നൽകീയിരുന്നു.കോട്ടയം ജില്ലാ പോലീസ് മേധാവി യായിരുന്ന കെ.കാർത്തിക് ഈരാറ്റുപേട്ട മിനി സിവിൽ സ്റ്റേഷൻ നിർമ്മാണവുമായി ബന്ധപെട്ട് 2022 ഡിസംമ്പർ 22 ന്''സംസ്ഥാന പോലീസ് മേധാവിക്ക് നൽകിയ റിപ്പോർട്ടിൽ മതസ്പർധ, തീ വ്രവാദ പ്രവർത്തനം, ക്രമസമധാന പ്രശ്നം എന്നീ കേസുകൾ ഈരാറ്റുപേട്ട സ്റ്റേഷനിൽവളരെയധികമാണെന്ന് രേഖപ്പെടുത്തീയിരിന്നു. ഈ റിപ്പോർട്ട് കാരണമാണ് ഈരാറ്റുപേട്ട മിനി സിവിൽ സ്റ്റേഷന് സ്ഥലം എറ്റടുക്കുവാൻ രണ്ട് വർഷം വൈകിയത്.'ജില്ലാ പൊലീസ് മേധാവിയുടെ ഈ റിപ്പോർട്ട് പിൻവലിക്കണമെന്ന് നഗരസഭയിൽ 2023 ഒക്ടോബർ 13 ന് കൂടിയ സർവ്വകക്ഷി യോഗം ആവശ്യപ്പെടുകയും മുഖ്യമന്ത്രിക്ക് നിവേദനം നൽകുകയും ചെയ്തിരുന്നു. എന്നാൽ ജില്ലാ പൊലീസ് മേധാവിയുടെ റിപ്പോർട്ട് ഇതുവരെയും പിൻവലിച്ചിട്ടില്ല. 2017 മുതൽ ഈരാറ്റുപേട്ട പോലീസ് സ്റ്റേഷനിൽ രജിസ്റ്റർ ചെയ്ത മതസ്പർധ, തീ വ്രവാദ പ്രവർത്തനം ,ക്രമസമാധാനംഎന്നീ കേസുകളുടെ എണ്ണവും നമ്പരും തീയതിയും വിശദവിവരങ്ങളുമാണ് ഈരാറ്റുപേട്ട പൊലീസ് സ്റ്റേഷനിലെ പബ്ലിക്ക് ഇൻഫർമേഷൻ ഓഫീസറായിരുന്ന ബാബു സെബാസ്റ്റ്യന് 2023 ഒക്ടോബർ 31 ന് മുഹമ്മദ് ഷെരീഫ് വിവരാവകാശ നിയമപ്രകാരം അപേക്ഷ നൽകിയത് .ഈ അപേക്ഷ 2023 നവംമ്പർ 7 ന് വിവരവകാശ നിയമം വകപ്പ് 8 ( ഐ)(ജി) പ്രകാരം ഈരാറ്റുപേട്ട പൊലീസ് സ്റ്റേഷനിലെ പബ്ലിക്ക് ഇൻഫർമേഷൻ ഓഫീസർ ഈ അപേക്ഷ നിരസിച്ചു. ഇതിനെതുടർന്ന് 2023 ഡിസംമ്പർ 8 ന് പാലാ ഡപ്യൂട്ടി പൊലീസ് സൂപ്രണ്ട് എം.ജെ തോമസിന് മുഹമ്മദ് ഷരീഫ് ഒന്നാം അപ്പീൽ നൽകി. 'ഈ അപ്പീലും നിരസിച്ചതിനെ തുടർന്ന് മുഹമ്മദ് ഷെരീഫ് 2024 ജനുവരി 9ന് വിവരവകാശ കമ്മീഷനിൽ അപ്പീൽ നൽകിയത്.ഈ അപ്പീലിലാണ് കേസുകളും എണ്ണവും കേസ് നമ്പരും തീയതി നൽകാൻ ഈരാറ്റുപേട്ട പൊലീസ് സ്റ്റേഷനിലെ പബ്ലിക്ക് ഇൻഫർമേഷൻ ഓഫീസർക്ക് വിവരാവകാശ കമ്മീഷണർ ഡോ.കെ.എം ദിലീപ് ഉത്തരവ് നൽകിയത്.
പൂഞ്ഞാർ: കേരളത്തിലെ ഒരു കർഷകന്റെയും കൃഷി ഭൂമി ഇ.എസ്.ഐ മേഖലയായി പ്രഖ്യാപിക്കുവാൻ കേരള കോൺഗ്രസ് (എം) അനുവദിക്കുകയില്ലന്ന് എന്ന് ജോസ് കെ മാണി എംപി പറഞ്ഞു.പൂഞ്ഞാർ, കൂട്ടിക്കൽ, തീക്കോയി, പൂഞ്ഞാർ തെക്കേക്കര, മേലുകാവ് വില്ലേജുകൾ ഉൾപ്പെടെയുള്ള ജനവാസ കേന്ദ്രങ്ങളെ പരിസ്ഥിതി ദുർബല പ്രദേശമായി പ്രഖ്യാപിക്കാനുള്ള കേന്ദ്രസർക്കാർ നീക്കത്തിനെതിരെ കേരളാ കോൺഗ്രസ് (എം) പൂഞ്ഞാർ നിയോജകമണ്ഡലം കമ്മറ്റിയുടെ നേതൃത്വത്തിൽ നടത്തിയ പ്രതിഷേധ യോഗവും സായാഹ്ന ധർണ്ണയും ഉദ്ഘാടനം ചെയ്ത് സംസാരിക്കുകയായിരുന്നു അദ്ദേഹം.പൂഞ്ഞാർ നിയോജക മണ്ഡലം പ്രസിഡൻ്റ് അഡ്വ.സാജൻ കുന്നത്തിൻ്റെ അദ്ധ്യക്ഷത വഹിച്ച യോഗത്തിൽ സെബാസ്റ്റ്യൻ കുളത്തുങ്കൽ എം.എൽ.എ. മുഖ്യ പ്രഭാഷണം നടത്തി. ജില്ലാ പ്രസിഡന്റ് ലോപ്പസ് മാത്യു, സംസ്ഥാന സെക്രട്ടറി ജോർജ്ജുകുട്ടി ആഗസ്തി, പാലാ നിയോജക മണ്ഡലം പ്രസിഡന്റ് ടോബിൻ കെ. അലക്സ്, സംസ്ഥാന കമ്മറ്റിയംഗങ്ങളായ സണ്ണി വാവലാങ്കൽ, ജാൻസ് വയലിക്കുന്നേൽ, നിയോജകമണ്ഡലം സെക്രട്ടറി സോജൻ ആലക്കുളം,കുട്ടിക്കൽ പഞ്ചായത്ത് പ്രസിഡൻ്റ് ബിജോയ് മുണ്ടുപാലം, മണ്ഡലം പ്രസിഡന്റ്മാരായ ദേവസ്യച്ചൻ വാണിയപുര,തോമസ് കട്ടക്കൽ, ചാർളി കോശി, ഔസേപ്പച്ചൻ കല്ലങ്ങാട്ട്,സാജു പുല്ലാട്ട്, ജോഷി മൂഴിയാങ്കൽ, അഡ്വ:ഇസഡ് ജേക്കബ്,സംസ്ഥാന കമ്മറ്റിയംഗം സണ്ണി മാത്യു, റ്റിറ്റോ മേലുകാവ്, ജോസുകുട്ടി പൂവേലി,അബേഷ് അലോഷ്യസ്,റോയ് വിളക്കുന്നേൽ,തങ്കച്ചൻ കാരക്കട്ട്,മിനി സാവിയോ, റെജി ഷാജി,എന്നിവർ സംസാരിച്ചു
